#Jobs #وظائف #outsource #Employment #توظيف #career #وظائف_الامارات #وظائف_خاليه #وظائف_شاغرة
البحث عن وظائف في الإمارات
بتفكر تيجي الإمارات للبحث عن عمل؟
اعمل حسابك في 6 شهور على الأقل تجهز نفسك لليوم دا
1- تزود مهارات المحادثة بالانجليزي ممكن تاخد كورسات اسمع افلام أجنبة
2- مجال الوظيفه اللي بتبحث عنه مثلا لو محاسبة شوف ايه البرامج المهمه اللخاصه بالمحاسبه وخد فيها كورسات او من اليوتيوب اتعلمها واتقنها (شهادات مش مهمه اوي اد ماتكون فاهم كويس وبتعرف تشتغل عليها)
3- الفترة دي ابدأ جهز السيرة الذاتيه وابدأ من عندك دور على الوظايف اللي بتنزل اعرف ايه المهارات المطلوبه عشان تكون جاهز بيها
4- اذا عندك رقم تليفون اماراتي او ليك صاحب موثوق فيه في الامارات اكتب رقم تليفونه مع رقم تليفون بلدك الام الوجود فيها في السيرة الذاتيه وابدأ دور على الشركات الموجوده في الامارات من على جووجل ومن الويب سايت سجل او ارسل بالايميل سيرتك الذاتيه , مش لازم يكون عندهم وظائف متوفرة.
5- الموقع دا ممكن تدخل منه علي كل المباني في دبي والشارقه بيظهر في كل مبنى بتختارة كل الشركات الموجوده فيه بارقام التليفون بالويب سايت والايميل , يعني ممكن تلف دبي كلها وانتفي بلدك وقدم في معظم المكاتب - ضروري في السيرة الذاتيه انك تكون داخل الامارات لان مافيش مكتب هيتصل عليك ويجيبك من بلدك عشان يعينك كله بيفضل الموجود داخل الدولة
https://2gis.ae/
6- ناس كتير بيتنصب عليها من مكاتب يقوله ادفع مبلغ مقدم وهيجيبلك عقد عمل او زيارة بتتحول لعمل (مافيش حاجه اسمها زيارة تتحول لعمل الا اذا الشركه نفسها هي اللي عملتلك الزيارة ودي مش بيكون فيها امضاء اي عقد) ومافيش شركات بتبعت عقود عمل عن طريق مكاتب ولو فيه المفروض الشركات دي هي اللي بتتكفل بالمصاريف وكدا راتبك هيكون في ايدهم يعني مش هتنصب عليهم ولا تهرب يبقى ليه يدفعوك المبلغ مقدم لما ممكن يقسطوه عليك لما تروح لهم؟ الشركه اللي بتجيبلك شغل من الامارات دي بتاخد عمولتها من الشركه الاماراتيه اللي بيجيبولهم موظفين.
7- لو هتيجي زيارة او هتشتري زيارة عشان تيجي تدور على شغل الافضل تكون 3 شهور زدي تكلفتها من 1200 درهم ل 1500 درهم بتختلف من شركةسياحه لشركة سياحة تانيه بس في الاخر هي واحده مافيش اختلاف وممكن تتأك اذا كانت الزيارة صحيحه من الموقع دا
جوازات دبي
https://www.ednrd.ae/portal/pls/portal/inimm_db.dbpk_visavalidity.query_visavalidity

لدخول الدولة يجب أن يكون لديك تأشيرة زيارة.

للحصول على تأشيرة زيارة يمكن أن تقدم عليها من مكاتب السفر والسياحة يفضل أن تكون 3 شهور, ممكن بمساعدة صديق داخل الإمارات يتواصل مع اي مكتب سياحة لأنهم بيطلبو ضمانات بعد صدور التأشيرة ودا حقهم عشان يتأكدو انه اللي هيجي لازم يغادر قبل موعد انتهاء المدة , أو ممكن عن طريق مكاتب السفر والسياحه في بلدك أو عن طريق طيران الإمارات أو طيران العربية :
- قدم على تأشيرة سياحة عن طريق طيران العربية

- قدم على تأشيرة سياحة عن طريق طيران الإمارات

عندما تحصل على تأشيرة الزيارة الخطوة التالية حجز تذاكر الطيران ذهاب وعودة ويجب أن تكون المدة كاملة أقل من التأشيرة بيومين حتى لا تتعدى المدة ولا تفاجأ بأي غرامة عند مغادرة الدولة. 
مواقع شركات طيران ممكن تحجز عن طريقها طبعا محتاج كريديت والأفضل تحجز من مكتب سفر:

- مصر للطيران
- طيران العربية
- طيران القطرية

بعض مواقع لحجز تذاكر الطيران و اختيار الأرخص:
- تجول
- سكاي سكانر
- تريب آدفايزور
- موموندو
- ويجو

قبل السفر
يفضل البحث عن سكن من خلال دوبيزيل أو صفحة الجالية المصرية بدبي , عند تجهيز شنطة السفر يكفى بدلتين و 5 أو 6 قمصان, درجة الحرارة فى الأمارات فى أغلب الأوقات مرتفعه جدا فلا داعى للملابس الشتوية, جهز جميع اوراقك على أن تكون موثقة من وزارة الخارجية بعدين لما بتوصل ولقيت شغل بتوثقها من السفارة المصرية وبعدين من الخارجية الإماراتية في الإمارات عشان اجراءات الإقامة.

الـCV - السيرة الذاتية
1- تصميم السيرة الذاتية يكون احترافي بسيط ومرتب وباللغة الإنجليزية والصورة الشخصية الأفضل تكون رسمية وخلفية بيضاء.
2- لا تكتب فيها أي كلام غير مفهوم لازم تكون فاهم كل حرف مكتوب فيها ويكون فعلا منطبق عليك لأنه ممكن يجيلك سؤال في اي جزء فيها.
3- الأفضل يكون PDF النسخة اللي هترسلها بالميل و Word عندك للتعديل فيه عند الحاجه و نسخة text إستخدمها وقت التقديم في مواقع الشركات بعض الاوقات بيجيب صفحة تنسخ فيها السيرة الذاتية.
4- البدايه الاسم وتحته المسمى الوظيفي اللي بتدور عليه , تحته عنوانك ورقم تليفونك والايميل ضروري يكون ايميل رسمي , بعدين ال Objective عبارة عن ملخص في شكل جملتين او 3 سطور عن مهاراتك المهنية وليه انت مؤهل للوظيفه اللي بتقدم عليها, دور على جوجل عن أمثله ليه مثلا (Sales job Objective sample) افتح اول 6 صفحات هتظهر في البحث وشوف فيهم انسب Objective وشوف طريقة كتابته وممكن تنسخه وتستخدمه عندك والافضل انك تكتبه بأسلوبك .
5- interpersonal skills دي كمان بتدور عالنت عن المهارات الشخصية المطلوبه للوظيفه دي مثلا ( Sales job skills ) وفي الصفحات اللي هتظهر شوف فيها المهارات اللي تناسبك وانسخها عندك الافضل طبعا تكتب اللي يناسبك بأسلوبك بس يكون صحيح.
6- التعليم اكتب فيها مؤهلك واتخرجت من اي جامعه او اي مدرسة وتاريخ التخرج واسم الجامع والعنوان
7- بعد كدا الخبرات الافضل يكون فيها اسم المكان اللي اشتغلت فيه قبل كدا من احدث وظيفه بتكون الاول وبتكتب التاريخ من شهر كام سنة كام الى شهر كام سنة كام وتحتها المسمى الوظيفي وتحتها المهام الوظيفية اللي كنت بتشتغلها ( لو مش عارف ابحث على جوجل عن مثلا (job title job description ) وانسخ منها المناسب لعملك)
8- بعد الخبرات اكتب باقي المعلومات الشخصية.
9- ضروري جدا كل كلمة كتبتها تكون فاهمها واتأكد ان مافيش اخطاء املائية, ولو شعرت ان في جمل صعبه امسحها اواكتبها بشكل ابسط.
دا مثال لسيرة ذاتيه جاهزة ممكن تستخدمة حملة وطبق فيه الخطوات من 4 ل 9
www.votewan.com/cv_jobtitle_name.docx

10- عن طريق جوجل ابحث عن أمثلة لسيرة ذاتية لنفس التخصص وشوفها مكتوبة اذاي وممكن تقتبس منها جمل وأفكار الافضل تكتبها بأسلوبك.
11- أهم حاجه عنوان السيرة الذاتية يكون نفس التخصص اللي بتبحث عنه ولو مافيش خبرة سابقة اقرا كويس عن التخصص دا وافهمه كويس وممكن تكتب المهارات اللي فهمتها منه في السيرة الذاتية.

- المواقع دي هتساعدك تعمل CV :
- Canva
- Easel.ly
- Doyoubuzz
- Livecareer
- VisualCV

- ResumeBaking
- SlashCV
- Onlinecvgenerator
- Iqresume

- kickresume
- vizualize.me
-
cvmkr.com
- myperfectresume.com
- kinzaa.com
- Resumup.com
- connectcv.com

-413 سيرة ذاتية CV جاهزة احترافية للتعديل عليها

ال Cover letter
هو مقال في شكل جواب بتكتبه عن نفسك توضح فيه ليه انت الشخص المناسب للشغل ده و ايه اللي يخلي الشركة تقبلك او تفضلك عن واحد تاني مقدم؟
لازم يكون مرتبط بالوظيفة.. عن طريق جوجل ابحث عن أمثله ليه مثلا ( IT Support Cover letter sample ) وتشوف المناسب ليك وحاول تكتب نفسه بس بطريقتك أفضل واكتبه في ملف word و text عشان تستخدمة دائما.

كدا السيرة الذاتية جاهزة وال Cover letter

سجل في مواقع التوظيف التالية وانشئ سيرة ذاتية عليها. قبل السفر مهم جدا عشان لما توصل وتجيب خط تليفون تحدثها وتستخدمها مباشرة في التقديم في الوظائف،  ودي مواقع بتعلن فيها الشركات عن وظائف:

لينكد ان أهم موقع فيهم بتسجل فيه وبتكمل فيه كل بياناتك وخبراتك ومهاراتك (في مواقع لشركات لما تيجي تسجل فيها بيسألك تبني سيرة ذاتيه من البداية أو تسحبها من لينكد إن طبعا تسحبها بتكون جاهزة وبتوفر وقت ومجهود)

- LinkedIn
- Bayt
- monstergulf.com
- careerdubai.net
- gulftalent.com
- efinancialcareers-gulf.com
- recruitgulf.com
- arabianbusiness.com
- gulfjobsmarket.com

تجنب السفر في هذه الأوقات

احرص على زيارة مدينة دبي في الوقت المناسب. ننصحك بتجنب السفر اليها خلال فصل الصيف، إذ أنك ستجد صعوبة كبيرة بالتنقل فيها في الحر الشديد، كما أن العديد من العاملين فيها، ومنهم أصحاب العمل، يأخذون إجازاتهم خلال فصل الصيف. هذا وتجنب زيارة المدينة في أواخر شهر ديسمبر وأوائل يناير، فمعظم العاملين في دبي هم مغتربون، ويحرصون على الاحتفال بأعياد نهاية العام مع عائلاتهم في أوطانهم. وتجنب أيضاً السفر اليها خلال شهر رمضان، إذ تعمل الشركات في دبي خلال هذا الشهر عدد ساعات اقل من المعتاد، ويميل معظم العاملين فيها للسفر خلال هذا الوقت من السنة أيضاً.

بعد الوصول

- عندما تذهب لأول مرة الى المترو إشترى بطاقة نول الفضية ثمنها 20 درهم, ستجد بها رصيد 16 درهم, احتفظ بها معك لانها ستكون تذكرتك للموصلات فى دبي كالباص و المترو و العبارة والباص المائي و يمكنك شحنها, إطلب خريطة المترو واحفظ الرقم 8009090 لأي استفسار خاص بالموصلات فى دبي.

وصلت السكن واتعرفت على المكان ؟
انشر اعلان فى الجرايد

الإعلانات بعضها مجانى والبعض الآخر مدفوع, كما يمكنك أن تستعرض الشواغر فيها

- صفحة الجالية المصرية بدبي
- جريدة الوسيط
- موقع دوبيزيل
- جريدة الخليج عربي وإنجليزي Gulf news
- جريدة دار الخليج

طريقة البحث عن عمل:

طريقة البحث عن عمل:
يفضل أسرع وأسهل الطرق إرسال السيرة الذاتية عن طريق البريد الألكتروني حتى تصل مباشرة لقسم التوظيف وتكون محفوظة ولها الأولوية عند الحاجة الى موظفين.
1- عن طريق جوجل
ابحث عن نوعية الشركات ممكن مثلا كل يوم تختار نوعية واشتغل عليها.
- مثلا ابحث عن ( Dubai real estate ) أو (شركات التطوير العقاري في دبي) هيظهر قائمة بشركات العقارات في دبي - افتح صفحة صفحة لكل شركة ومنها افتح (career) أو (Jobs) أو (Join us) أو (توظيف) ومنها سجل سيرتك الذاتية عن طريق التسجيل باستخدام ايميلك الشخصي وملاء النموذج كامل. إذا لم تجد رابط للتوظيف افتح رابط الاتصال (Contact us) واستخدم الايميل الموجود وارسل عليه سيرتك الذاتيه من إيميلك الشخصي - ممكن في يوم واحد بتقدم في 50 شركة يعني في خلال 10 أيام تكون قدمت في 500 شركة - أكيد بيوصلك رد من أي شركة منهم - مش لازم يكون في عندهم شواغر - لأن أول ما بيتوفر عندهم شواغر أول مكان بيشوفوه المسجلين في موقع الشركة أو الايميلات لو مكانش عندهم قسم في الموقع للتوظيف بعدين لو ما حصلو بيعملو اعلان
انتهيت من كل شركات العقارات ؟ استخدم نفس الطريقة للبحث عن شركات التوظيف مثلا.
2- عن طريق الفيس بوك
اكتب في البحث Required in dubai يعني مطلوب في دبي .. او اكتب التخصص بتاعك يعني مثلا لو محاسبه ممكن تزود كلمة Accountant و ابحث .. وممكن تبحث عن كلمة Hiring in dubai او وظائف في دبي او walk in interview in dubai هيطلع لك بحث الفيس, اختار من القائمة كلمة Latest يعني يظهرلك البحث من الأحدث .. هتلاقي ناس زيك ع الفيس من شركات كتير موظفين مثلا و اجانب منزلين بوستات ان مطلوب مثلا محاسب في نفس شركته و كاتب التفاصيل و توقيت البوست هتلاقيه مثلا من دقايق و ساعات و ايام الاقرب لتوقيت اليوم اللي بحثت فيه .. يعني باختصار هتلحق قبل غيرك وهكذا.
‏3- www.linkedin.com
الموقع دا لو ماعندكش عليه حساب,افضل تسجل فيه وتملى كل البيانات عن وظيفتك وخبراتك ومهاراتك وكأنك بتبنى سيره ذاتيه, دا شبه الفيسبوك وموقع بيت مع بعض بس في البيزنس
المهم بعد مابتسجل عليه في البحث ابحث عن مثلا hiring in dubai هيظهرلك jobs و content دول ممكن تفتحهم هتلاقي ناس منزلين وظائف في شركتهم وظاهر فيها توقيت البوست
‏4- https://2gis.ae
الموقع دا شبه خرائط جوجل,الميزه فيه ان المبانى لما تضغط عليها بيجيب كل الشركات الموجوده بارقام الهاتف والايميل والويب سايت, ممكن تفتح الويب سايت وشوف لينك التوظيف سجل فيه او ارسل السيره الذاتيه على الايميل وهكذا ممكن تقسم دبي لمناطق كل يوم ركز على منطقه اضغط على مبنى مبنى وجمع الشركات الموجوده فيه وارسل ليهم السيره الذاتية.
5- عن طريق خرائط جوجل
ممكن تبحث عن نوعية نشاط مثلا real estate هيجيبلك كل الشركات العقاريه مثلا على الخريطه وتفاصيلهم الهاتف والميل والويب سايت في ليست تحت بعض ممكن تجمع الايميلات وترسل السيره الذاتيه او تفتح الويب سايت لكل شركه وتسجل فيه السيره الذاتيه.
6- في مواقع بتنزل وظائف بشكل مستمر
المواقع:

indeed.com
dubai.dubizzle.com/jobs
abudhabi.dubizzle.com/jobs
linkedin.com/jobs
bayt.com
waseet.net Abu Dhabi
waseet.net Dubai
jobs77.com
gulfnews.com
jobs.trovit
ohhmyjob.com
jobsara.com
retailchoice.com
megajobs.com
antal.com
totaljobs.com
almehan
shoghlanty.com
mourjan.com/ae/jobs
uae.tanqeeb.com
gulfvisit.com
1dubaijobs.com
careerjet.ae
dujobs.net
hozpitality.com

أكبر شركات يعملوا open days حتى في مصر طيران الإمارات والاتحاد
emiratesgroupcareers.com
etihad.com

إرسال السيرة الذاتية بالإيميل

- لإرسال إيميلات لأي شركة أو أي وظيفة تأكد من كتابة العنوان المناسب للإيميل مثلا (application for IT support Job) أو لو بترسل ايميل بشكل عام (CV IT Support)
To : إكتب ايميلك (فقط لو هترسل الايميل لشركات كتير)
BCC: أكتب فيها ايميلات الشركات كلها اللي هترسل ليها مع وضع , أو ; بين كل ايميل وايميل (طبعا كدا كل شركه هيوصلها الإيميل ولن يظهر عندهم انك أرسلته لشركات أخري)
Subject: CV IT Support Engineer
- موضوع الايميل لازم تكتب فيه بشكل مختصر ملخص عن مهاراتك ماتسيبوش فاضي. اكتب نص رساله يجذب الاتش ار انه يشوف السي في بتاعك ووضح في النص ده انك بتدور على اي وظيفة مناسبه لتخصصك مش شرط في مجالك.
- ارفق السيرة الذاتيه فقط كفاية وال cover letter  في نص الرسالة
- هنا ايميلات لشركات ممكن تنسخها كلها في ال BCC  وترسلها طبعا مش أكيد انها كلها ايميلات شغاله, ممكن يكون بعضها لا, انشاء الله تجيب نتيجة

الإنترفيو
1- قبل ما تروح إقرا عن الشركة كويس. إدخل الموقع وروح على About إحفظه، وعلى Google شوف أخبار عنها.
2- ابحث في جوجل عن أسألة المقابلات للتخصص اللي ناوي تشتغل فيه وإجاباتها وجمعها عندك في ملف ورتبها عشان تذاكرها كويس كمثال ( IT support interview question and answers ).

3- إفتكر إن الـInterview مش إمتحان ومش تحقيق .. إنت رايح تقابل ناس وتقولهم إنت أحسن من غيرك ليه .. يعني إتكلم وإسأل في آخر المقابلة إنت كمان من غير تعالي ولا إستعراض.
4- كل الموجودين في الـInterview مهمين .. متوجهش كلامك لواحد بس.

شركات في دبي

 - "دبي ميديا سيتي" تجمع المؤسسات الإعلامية،  CNN , MBC والعربية، وغيرها من الأسماء الكبيرة في الإعلام والميديا، وشركات تكنولوجيا.

المواقع التالية فيها بيانات الشركات، هتدخل تكتب إسم الشركة أو تدور بالمجال اللي يناسبك، ومنه تروح على موقع الشركة، ولما تدخل هتعرف إذا كان فيه وظائف شاغرة.

- "تي كوم" تجمع شركات في ميديا سيتي وانترنت سيتي:  Tecomdirectory.com

- "مدينة دبي للإنترنت"  أكبر التجمعات للشركات العالمية : Dubaiinternetcity.com

- "مركز دبي المالي العالمي" :  difc.ae/public-register وظايف في المركز نفسه areers

- "مدينة دبي الطبية" : dhcc
- منطقة جبل على الحرة جافزا التقديم عن طريق الويب لأن الدخول اليها لا يمكن بدون تصريح
- الشركات في المنطقة الحرة
- مجمع دبي للاستثمار والشركات التابعة لها
- مدينة دبي الطبيه والشركات التابعة لها
- مركز دبي للسلع المتعدده شركات ذهب و مجوهرات وشاى وموضة
- المنطقة الحرة بمطار دبي الدولى
- منطقة أبراج بحيرات الجميرا الحره والتقديم انك تروح بنفسك وتلف على الشركات
- دليل الشركات في الإمارات:
indexuae

- دليل آخر للشركات في الإمارات: 
ameinfo

شركات التوظيف ( الفرانشيز) وشركات الحاق العماله وشركات التوظيف المباشر :

للتوضيح وفهم الفرق بينهم
- شركات التوظيف الفرانشيز:  شركات تقدم عقود تقديم خدمات بالنيابة عن شركة كبيرى إخري على سبيل المثال الشراكه بين شرف دي جي واتصالات الامارات, حيث تكون إقامة و إدارة الموظف تحت شرف دي جى, لكن فنيا الموظف يعمل لشركة الاتصالات
- شركات الحاق العماله الاوت سورسينج: توظيف موظفيين مدربين و توفر لهم إقامات, ثم توظفهم تحت إسم المؤسسة الأخرى حيث يكون بينهم تعاقد على ذلك, و يكون الموظف تابع فنيا و إدرايا للمؤسسة الكبيرى بس راتبه واقامته علي شركة التوظيف على سبيل المثال فريست سيلكت واتصالات الامارات
- شركات التوظيف المباشر: هى شركات استشاريه فى التوظيف, الشركات تطلب توفير موظفين والباحثين عن عمل يطلبون منهم توفير شواغر على سبيل المثال ناديا

اولاً عن شركات الحاق العماله الاوت سورسينج :
قائمه بشركات الحاق العماله والنصيحه انك تسيب ال CV اونلاين وكمان تحاول تتواصل وتروح الشركه تقدم
01- Ultimate HR Solutions - شركة ألتيمات - 043433737 - شارع الشيخ زايد - قرب محطة مترو الخليج التجاري - سابع مبنى من مزايا سنتر
02- First Select - شركة فيرست سيليكت - 0438074911 - شارع الشيخ زايد - القوز - مبنى المنارة
03- Innovation uae - شركة أنوفاشن - 044578900 - أبراج بحيرات جميرا - - برج تيفاني - الطابق 23 - دبي مارينا
04- Tasc outsourcing - شركة تاسك - 043588500 - شارع الشيخ زايد - برج ناسيمة - الطابق 14 - بجوار فندق رويال راديسون
05- Cupola Group - شركة كوبولا - 800287652 - 043662000 - دبي أوتسورس زون - مبنى رقم 8
06- City Services Consultancy LLC - شركة خدمات المدينة - 8002489272 - 042277444 - دبي - ديرة - طريق بني ياس - الخور - بجوار بلدية دبي - بناية الوصل الدور الثالث
07- Pluspoint - شركة بلس بوينت - 042633631 - شارع دمشق - القصيص - مبنى فهد 4 - الطابق 4 - مكتب 417
08- Kershaw  - شركة كيرشو - 044228970 - قرية المعرفة - بلوك 13 - مكتب G15 - الطابق الأرضي - دبي
09- Randstad - شركة راندستاد - 043602626 - مدينة الإنترنت - بناية رقم 1 مكتب رقم G08 - دبي
10- Styracorp - شركة ستيراكورب - 044329777 - تيكوم C - برج الشعفار - مكتب 1701 - دبي
11- SOS
12- Reach group
13- Candidate
14- Sundus Recruitment
15- ManPower
16- Emirates Computers
17- Mawared for recruitment
18- The Gulf Recruitment
19- Union Gulf Services
20- Tanfeeth (تنفيذ )
21
- Al falasi labour

ثانيا شركات التوظيف المباشر :
ودى الشركات اللى بتاخد منك مبلغ مبدئي وقت التقديم وبتاخد جزء من الراتب بعد التوظيف لمده محدده
هتلاقوا بعض الشركات مكرره فوق
الشركات دى ياريت تروح بشكل مباشر ولو انت فى مصر سيب ليهم ال CV اون لاين لحد لما تيجى وتروح تقدم
طبعا فيه شركات كتير بس ده ما تيسر جمعه

- sparkmos
- alnahiya
- abcrecruitment
- almadina
- sosrecruitment
- nadia-me
- sundusrecruitment
- xpertshr
- epicrecruitment
- manpowerservicesgroup
- charterhouseme

ثالثا شركات التوظيف الفرانشيز
ودى شركات وكلاء لعلامات تجاريه كبري
1- لاند مارك جروب
2- باريس جالغري
3- باريس جروب
4- الشايع

صفحة بها معظم شركات التوظيف فى الإمارات

 

You have no rights to post comments

Customer ReviewsLeave your reviews
There are currently no reviews.
Leave your reviews
Go to top